WhatsApp-ը հաղորդագրությունների համար նոր գործառույթ կսահմանի

Օգտատերերն այսուհետ հնարավորություն կունենան WhatsApp -ում հաղորդագրությունները նշել որպես կարդացված՝ առանց բացելու հավելվածը:

Ինչպես տեղեկացնում է РИА Новости-ն, ծրագրավորողներն ակնկալում են, որ նորարությունը թույլ կտա օգտատերերին արագորեն «ձերբազատվել» սպամից և անպետք հաղորդագրություններից, ինչպես նաև հեշտացնել շփումը խմբակային զրույցներում: Ներկա պահին մեսենջերի ծանուցումներն միայն արագ պատասխանի հնարավորություն են առաջարկում:

Աղբյուրի տվյալներով՝ նոր գործառույցը կգործարկվի հավելվածի հաջորդ տարբերակում: