ხამენეი: ICC-ის მიერ ნეთანიაჰუსა და გალანტის დაპატიმრებაზე გაცემული ორდერები საკმარისი არ არის
ირანის უზენაესმა ლიდერმა აიათოლა ალი ხამენეიმ განაცხადა, რომ სისხლის სამართლის საერთაშორისო სასამართლოს (ICC) მიერ ისრაელის პრემიერ-მინისტრ ბენიამინ ნეთანიაჰუსა და ყოფილი თავდაცვის მინისტრის, იოავ გალანტის დაპატიმრებაზე გაცემული ორდერები „საკმარისი არ არის“.
ხამენეიმ ეს განცხადება გააკეთა მოხალისეთა კორპუსის შეხვედრაზე 25 ნოემბერს. მისი თქმით, ნეთანიაჰუ და გალანტი სიკვდილით უნდა დაისაჯონ.
გასულ კვირაში სისხლის სამართლის საერთაშორისო სასამართლოს პროკურორმა ქარიმ ხანმა გასცა დაპატიმრების ორდერი, სასამართლოს წინასასამართლო პალატამ კი დაადგინა, რომ არსებობს გონივრული საფუძველი იმის დასაჯერებლად, რომ რადიკალური დაჯგუფება ჰამასის წინააღმდეგ ისრაელის ოპერაციის დროს ნეთანიაჰუმ და გალანტმა გამიზნულად და განზრახ დატოვეს ღაზის სამოქალაქო მოსახლეობა გადარჩენისთვის საჭირო ნივთების, მათ შორის საკვების, წყლის, მედიკამენტებისა და სამედიცინო მარაგის, ასევე საწვავისა და ელექტროენერგიის გარეშე. (ჰამასი აშშ-სა და ევროკავშირში ტერორისტულ დაჯგუფებადაა აღიარებული.)
ისრაელმა დაპატიმრების ორდერებს „აბსურდი“ უწოდა.
ღაზაში მიმდინარე ომი დაიწყო მას შემდეგ, რაც შარშან 7 ოქტომბერს ჰამასი, რომელსაც ირანი უჭერს მხარს, თავს დაესხა სამხრეთ ისრაელს. თავდასხმისას ისრაელში დაიღუპა 1200-მდე ადამიანი, დაახლოებით 240 ღაზაში წაიყვანეს მძევლებად.
ამ ტერაქტის შედეგად ისრაელის მიერ ღაზაში დაწყებულ ომს, ადგილობრივი ჯანდაცვის სამინისტროს თანახმად, ემსხვერპლა 43 ათასზე მეტი ადამიანი, მათგან უმრავლესობა - ქალები და ბავშვები.
ხამენეიმ ეს განცხადება გააკეთა მოხალისეთა კორპუსის შეხვედრაზე 25 ნოემბერს. მისი თქმით, ნეთანიაჰუ და გალანტი სიკვდილით უნდა დაისაჯონ.
გასულ კვირაში სისხლის სამართლის საერთაშორისო სასამართლოს პროკურორმა ქარიმ ხანმა გასცა დაპატიმრების ორდერი, სასამართლოს წინასასამართლო პალატამ კი დაადგინა, რომ არსებობს გონივრული საფუძველი იმის დასაჯერებლად, რომ რადიკალური დაჯგუფება ჰამასის წინააღმდეგ ისრაელის ოპერაციის დროს ნეთანიაჰუმ და გალანტმა გამიზნულად და განზრახ დატოვეს ღაზის სამოქალაქო მოსახლეობა გადარჩენისთვის საჭირო ნივთების, მათ შორის საკვების, წყლის, მედიკამენტებისა და სამედიცინო მარაგის, ასევე საწვავისა და ელექტროენერგიის გარეშე. (ჰამასი აშშ-სა და ევროკავშირში ტერორისტულ დაჯგუფებადაა აღიარებული.)
ისრაელმა დაპატიმრების ორდერებს „აბსურდი“ უწოდა.
ღაზაში მიმდინარე ომი დაიწყო მას შემდეგ, რაც შარშან 7 ოქტომბერს ჰამასი, რომელსაც ირანი უჭერს მხარს, თავს დაესხა სამხრეთ ისრაელს. თავდასხმისას ისრაელში დაიღუპა 1200-მდე ადამიანი, დაახლოებით 240 ღაზაში წაიყვანეს მძევლებად.
ამ ტერაქტის შედეგად ისრაელის მიერ ღაზაში დაწყებულ ომს, ადგილობრივი ჯანდაცვის სამინისტროს თანახმად, ემსხვერპლა 43 ათასზე მეტი ადამიანი, მათგან უმრავლესობა - ქალები და ბავშვები.