«Ак Барс» хоккейчылары Уфадагы «Яшел дерби»дан җиңелеп кайта
Бүген «Ак Барс» хоккей командасы Казан командасыныкы кебек формасында яшел төс булган «Салават Юлаев» командасына каршы уенда 2:3 исәбенә оттырды. Матч Уфада булды.
Беренче периодның тугызынчы минутында «Салават Юлаев» һөҗүмчесе Артём Нәбиев исәпне ачты (1:0).
Икенче периодның уникенче минутында «Ак Барс» уенчысы Николас Петан исәпне тигезләде (1:1). Берничә секунд үтүгә, Уфа командасы күпчелектә уйнаганда, Джошуо Ливо «Салават Юлаев»ны кабат алга чыгарды (2:1).
Өченче периодның беренче минутында «Ак Барс» капитаны Дмитрий Яшкин гол кертте (2:2). Төп вакыт тигез исәп белән тәмамланды.
Өстәмә вакытның дүртенче минутында Джошуа Ливо алканы «Ак Барс» капкасына кертте һәм «Салават Юлаев»ка җиңү китерде (3:2).
Командалар составы:
«Салават Юлаев»
- Самонов (Брагинский);
- Ливо – Тодд – Ремпал, Науменков – Василевский;
- Шаров – Хмелевский – Ян, Хафизуллин – Панин;
- Горшков – Пименов – Алалыкин, Варлов – Цулыгин;
- Чёрный – Ефремов – Нәбиев, Газимов – Комаров.
«Ак Барс»
- Мифтахов (Билалов);
- Петан – Семёнов – Яшкин, Лямкин – Миллер;
- Барабанов – Сафонов – Галимов, Журавлёв – Марченко;
- Коршков – Комков – Кошелев, Лучевников – Юдин;
- Дыняк – Кателевский – Бровкин (Җамалтдинов), Евсеев.
«Ак Барс»ның киләсе уены шулай ук «Салават Юлаев» командасына каршы булачак. Матч 18 декабрь көнне Казанда «Татнефть Арена» боз сараенда 19:30 сәгатьтә башланачак.