د افغانستان په شمالي او لوېدیځو سیمو کې د تیزو بادونو وړاندوینه شوې

د طالبانو د هواپېژندنې ریاست نن جمعه د افغانستان په شمالي او لوېدیځو ولایتونو کې د چټکو بادونو د لګېدو اټکل کړی دی.


 


د طالبانو د ټرانسپورټ او هوايي چلن وزارت د هواپېژندنې ریاست پرون په یوه خبرداري کې ویلي، چې په بېلابېلو سیمو کې به د بادونو سرعت په یوه ساعت کې له ۵۰ تر ۸۰ کیلومترو پورې وي.


 


په چنګاښ/ سرطان میاشت کې د ننګرهار په ګډون د افغانستان څو ولایتونه د سختو بادونو، بارانونو او سېلابونو شاهد وو چې د طالبانو د حکومت د شمېرو له مخې ۵۲ تنه یې مړه کړي وو.


 


افغانستان د اقلیمي بدلونونو له کبله د لسو زیانګالو هېوادونو له ډلې دی.