Հրդեհ` Հողմիկ գյուղում

Սեպտեմբերի 26-ին, ժամը 15:54-ին Շիրակի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Հողմիկ գյուղի 2-րդ փողոցի տներից մեկի տանիքում հրդեհ է բռնկվել: Այս մասին հայտնում են ՆԳՆ փրկարար ծառայությունից:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։

Պարզվել, որ հրդեհը բռնկվել է ավտոտնակի տանիքում:

Հրդեհը մեկուսացվել է ժամը 16:11-ին, մարվել՝ 16:39-ին: Այրվել են տանիքի փայտե կառուցատարրերը (մոտ 24 քմ):

Քաղաքացի Ս. Ա.-ին (ծնված 1978 թ.) շտապօգնության աշխատակիցները տեղում ցուցաբերել են համապատասխան օգնություն: