დილის 6:15 საათიდან დარბევა და დაკავებები გაგრძელდა

თბილისში, რუსთაველის გამზირზე, სასტუმრო „მარიოტთან“ მიმდებარე ტერიტორიაზე შსს-ის თანამშრომლებმა გამთენიისას, 06:15 საათისთვის დემონსტრანტების დარბევა და დაკავება გააგრძელეს.


ბოლო რამდენიმე საათის განმავლობაში დემონსტრანტები, - რომლებიც პოლიციელებმა და სპეცრაზმელებმა პარლამენტის წინა ტერიტორიიდან განდევნეს, - „მარიოტთან“ იყვნენ გამაგრებულები და ბარიკადები ჰქონდათ აღმართული.


წყლის ჭავლის გამოყენების მიუხედავად, რამდენიმე ასეული ადამიანი რჩებოდა.


გამთენიისას ბესიკის ქუჩიდან პოლიციელთა დამატებითი რაზმი ჩამოვიდა, რის შემდეგაც მათ დემონსტრანტები კიდევ უფრო მეტად დახიეს უკან.


ამ ადგილას არაერთი ადამიანი დააკავეს.


პოლიციელები 06:21 საათისთვის ოპერისა და ბალეტის თეატრთან არიან - დემონსტრანტები კიდევ უფრო უკან იხევენ.