Burger King Kazakhstan іліккен дау: аутизмі бар қызметкердің анасы ұлына қысым жасалғанын мәлімдеді

Аутизмі бар алматылық жігіттің жұмыс орнында қысымға ұшырағанын айтып анасы әлеуметтік желіде пост жариялағаннан кейін Қазақстанда Burger King фастфуд желісі дауға қалды. Желіде оған бойкот жариялауға шақырған үндеу көбейді. Қолданушылар компанияның 2Gis қосымшасындағы рейтингін төмендетті. Компания мәлімдеме жасап, бұл жағдайға мемлекеттік органдар араласты.