Иранда "Аялдар, жашоо, эркиндик" деп аталган элдик кыймылдын башталганына эки жыл болду. 2022-жылы полиция бекетинде набыт болгон студент кыз Махса Амининин өлүмүнөн кийин тутанган жапырт нааразылык Ислам жумуриятында өчпөс из калтырып, каармандыкты жана бекем тилектештикти орнотууга дем берген.
Борбордук Европа өлкөлөрү нөшөрлөгөн жаандан улам жүргөн селден коргонуунун аракетин улантууда. 15-сентябрда Румынияда кеминде беш киши, Польшада бир киши, Автрияда өрт өчүрүүчү набыт болгону, Чехияда төрт тургун дайынсыз экени кабарланды. Миңдеген киши эвакуацияланып, үйлөр жарыксыз калды.
Улуттук коопсуздук комитети (УКМК) коррупцияга каршы күрөштү күчөтүүгө багытталган мыйзам долбоорун даярдап, коомдук талкууга койду.
“Азаттыктын” казак кызматы Дубайдан кыймылсыз мүлк алган ар кандай мамлекеттик кызматта иштеген же мурда иштеп кеткен 1550 казакстандык тууралуу алты бөлүмдөн турган “Дубайдагы Казакстан” деп аталган журналисттик иликтөөсүн жарыялады. Биз аталган иликтөөнүн автору Манас Кайыртай уулун кепке тарттык.
Нарын облусундагы Кең-Суу - Тянь-Шань тоолорунун арасындагы капчыгайда жайгашкан чакан айыл. Кыштак унутта калып, эгемендиктин тушунда аны эстеген деле жан болбоду. Турмуш-тиричиликти жеңилдете турган нерселер бул жерге кечигип келет. Тоо койнунда унутта калган айылдагы жашоону алгачкы жолу "Азаттык" радиосунун "Данисте" телепрограммасы 2020-жылы декабрда барып тартып келген.
Бишкекте Кыргыз-жапон достук концерти өттү. Анда эки элдин өнөрпоздору көрүүчүлөргө ыр-бийлерди тартуулады. Көрүүчүлөр айрыкча жапон жаштарынын комузда күү черткенин сүрөөнгө алып турушту.
