Truga to personar med våpen

Ein kvinne skal ha truga ein mann og ei kvinne med eit skytevåpen på Minde i Bergen.

Hendinga, som blei rapportert klokka 17.44, skjedde i eit bygg med fleire leilegheiter. Politiet rykte ut t og har hatt kontakt med dei involverte.

Ingen blei skadde i hendinga. Under ei ransaking fann politiet to gassvåpen. Den sikta kvinna blir ikkje pågripen, ifølge operasjonsleiar Knut Dahl- Michelsen i Vest politidistrikt.

Alle dei involverte kjenner kvarandre.