Lebapda MHM garaşsyz neşirler bilen hyzmatdaşlyk edýän raýatlary gözleýär
Lebap welaýat Milli Howpsuzlyk Müdirliginiň işgärleri sebitde Azatlyk Radiosy we beýleki garaşsyz neşirler bilen hyzmatdaşlyk saklaýan raýatlary gözleýärler. Bu barada Azatlyk Radiosynyň sebitiň güýç gurluşlaryndaky ynamdar çeşmesi 22-nji noýabrda Türkmenabat şäherinden maglumat berdi.
“Soňky ýyllarda ýurt içinden syzyp çykýan audio we wideo maglumatlaryň aglabasynyň Lebapdan bolmagy sebitiň MHM bölüminde işjeňlik döretdi. Türkmenabatda arzan günebakar ýagy satuwa çykarylanda dörän nobaty görkezýän wideo hem Azatlykda çykdy. Bu ýagdaý, MHM-ni howsala salýar” diýip, çeşmämiz belledi.
Çeşmämiz MHM-niň nobatdaky işjeňligine sebäp bolýan ýene bir faktoryň azyk we nyrh meselesi bilen bagly ilat arasynda nägilelikleriň artmagy bilen baglanyşyklydygny aýdýar.
“Azyk krizisi, ýagny döwlet dükanlarynda arzan önümleriň tapdyrmazlygy we bazarlarda harytlaryň gymmatçylygy netijesinde ilat arasynda täzeden döreýän nägilelikler hem MHM-ni aladalandyrýar” diýip, çeşmämiz belledi.
Soňky hepdelerde Azatlyk ýurduň dürli sebitlerindäki döwlet dükanlarynda bazar nyrhyndan biraz arzan satylýan azyk önümleriniň, şol sanda ýagyň satuwda tapdyrmaýandygy, bahasynyň gymmatlaýandygy barada yzygiderli habar berip gelýär.
Şu aýyň 12-ne Azatlyk Türkmenabatda ýag satuwa çykarylanda dörän nobatlary görkezýän wideony hem çap etdi. Şonda habarçylarymyz ýag nobatlarynda bidüzgünçilikleriň döreýändigini, nobatlarda duran adamlaryň arasynda dartgynlylygyň artýandygyny hem aýdypdylar.
Çeşmämiz MHM işgärleriniň edarada we şäheriň bellenen ýerlerinde gije-gündiz gözegçilik işlerini alyp barýandygyny aýdýar.
Onuň tassyklamagyna görä, olar bu çäreleriň çäginde garaşsyz habar beriş serişdeleri bilen hyzmatdaşlykda güman edilýän raýatlary soraga çekýärler. Bu işler köplenç şäheriň myhmanhanalaryndaky otaglarda geçirilýär.
“MHM munuň bilen daşary ýurtlara maglumatyň syzmagynyň öňüni almaga çalyşýar” diýip, çeşmämiz garaşsyz neşirler bilen hyzmatdaşlykda esasan etniki azlyklaryň wekilleriniň güman edilýändigini, sebäbi olaryň köplenç adalatsyzlyga garşy göreşip, hak-hukuklaryny aç-açan talap edýändigini hem belledi.
Çeşmämiz hyzmatdaşlyk edýändigi anyklanan raýatlara garşy nähili çäre görülýändigi barada anyk maglumatyň ýokadugyny hem aýtdy.
Onuň tassyklamagyna görä, MHM işgärleri şeýle derejedäki işjeňligi soňky gezek 2020-nji ýylyň sentýabrynda, şol wagtky prezident Gurbanguly Berdimuhamedow konstitusiýa üýtgeşmeleri girizmegi meýilleşdirende görkezipdir.
“Şonda daşary ýurtlardaky türkmen oppozisiýa toparlary ýurt içindäki raýat jemgyýetine ýüzlenip, üýtgeşmelere garşylyk bildirmäge çagyryş edipdiler. MHM Bitarap Türkmenistan köçesindäki binalaryň köpüsinde gije-gündiz nobata durupdy” diýip, çeşmämiz belledi.
Azatlyk bu ýagdaýlar barada sebitiň MHM-den resmi teswir alyp bilmedi.
Türkmen häkimiýetleri garaşsyz neşirlere maglumat syzdyrýan, Internetde ýurt barada tankydy maglumatlary çap edýän, şeýle-de özara söhbetdeşlikde ýa-da köpçülik ýerlerinde hökümet we prezident barada kemsidiji sözleri aýdýan, ýa-da özge pikirli adamlara garşy göreşini wagtal-wagtal güýçlendirýär.
Şeýle çäreler soňky gezek şu ýylyň bahar-tomus aýlarynda ýygjamlaşypdy. Şonda häkimiýetler raýatlara gözegçiligini yzygiderli güýçlendirip, özleri tarapyndan “ygtybarsyz raýat” hasaplanýan adamlary gözlediler.
Häkimiýetleriň bu çäreleri türkmen halkynyň Internetde we özara duşuşyklarda açyk pikir alyşmalarynyň has işjeňleşýändigi baradaky maglumatlaryň ýygjamlaşan wagtyna gabat geldi.
Düýbi Parižde ýerleşýän Serhetsiz reportýorlar guramasynyň metbugat azatlygynyň dünýädäki ýagdaýy boýunça 2024-nji ýylyň 3-nji maýynda çap eden hasabatynda Türkmenistan bu ugurda 180 ýurduň arasynda 175-nji boldy.
Gadyrly okyjy, siz Telegram we WhatsApp tilsimleriniň messenjerleri arkaly Azatlyk Radiosy bilen howpsuz ýagdaýda habarlaşyp bilersiňiz. Telefon belgileri: +420 724 168 989 we +420 773 797 383.
Türkmenistanda VPN ulgamlary arkaly işleýär. Siz şu meýl: azathabar@derweze.net we sep arkaly biziň mugt Psiphon3 VPNulgamymyzy Android ulgamlary üçin ýükläp bilersiňiz. Azatlyk Radiosy siziň şahsyýetiňiziň doly gizlinligini kepillendirýär.
“Soňky ýyllarda ýurt içinden syzyp çykýan audio we wideo maglumatlaryň aglabasynyň Lebapdan bolmagy sebitiň MHM bölüminde işjeňlik döretdi. Türkmenabatda arzan günebakar ýagy satuwa çykarylanda dörän nobaty görkezýän wideo hem Azatlykda çykdy. Bu ýagdaý, MHM-ni howsala salýar” diýip, çeşmämiz belledi.
Çeşmämiz MHM-niň nobatdaky işjeňligine sebäp bolýan ýene bir faktoryň azyk we nyrh meselesi bilen bagly ilat arasynda nägilelikleriň artmagy bilen baglanyşyklydygny aýdýar.
“Azyk krizisi, ýagny döwlet dükanlarynda arzan önümleriň tapdyrmazlygy we bazarlarda harytlaryň gymmatçylygy netijesinde ilat arasynda täzeden döreýän nägilelikler hem MHM-ni aladalandyrýar” diýip, çeşmämiz belledi.
Soňky hepdelerde Azatlyk ýurduň dürli sebitlerindäki döwlet dükanlarynda bazar nyrhyndan biraz arzan satylýan azyk önümleriniň, şol sanda ýagyň satuwda tapdyrmaýandygy, bahasynyň gymmatlaýandygy barada yzygiderli habar berip gelýär.
Şu aýyň 12-ne Azatlyk Türkmenabatda ýag satuwa çykarylanda dörän nobatlary görkezýän wideony hem çap etdi. Şonda habarçylarymyz ýag nobatlarynda bidüzgünçilikleriň döreýändigini, nobatlarda duran adamlaryň arasynda dartgynlylygyň artýandygyny hem aýdypdylar.
Çeşmämiz MHM işgärleriniň edarada we şäheriň bellenen ýerlerinde gije-gündiz gözegçilik işlerini alyp barýandygyny aýdýar.
Onuň tassyklamagyna görä, olar bu çäreleriň çäginde garaşsyz habar beriş serişdeleri bilen hyzmatdaşlykda güman edilýän raýatlary soraga çekýärler. Bu işler köplenç şäheriň myhmanhanalaryndaky otaglarda geçirilýär.
“MHM munuň bilen daşary ýurtlara maglumatyň syzmagynyň öňüni almaga çalyşýar” diýip, çeşmämiz garaşsyz neşirler bilen hyzmatdaşlykda esasan etniki azlyklaryň wekilleriniň güman edilýändigini, sebäbi olaryň köplenç adalatsyzlyga garşy göreşip, hak-hukuklaryny aç-açan talap edýändigini hem belledi.
Çeşmämiz hyzmatdaşlyk edýändigi anyklanan raýatlara garşy nähili çäre görülýändigi barada anyk maglumatyň ýokadugyny hem aýtdy.
Onuň tassyklamagyna görä, MHM işgärleri şeýle derejedäki işjeňligi soňky gezek 2020-nji ýylyň sentýabrynda, şol wagtky prezident Gurbanguly Berdimuhamedow konstitusiýa üýtgeşmeleri girizmegi meýilleşdirende görkezipdir.
“Şonda daşary ýurtlardaky türkmen oppozisiýa toparlary ýurt içindäki raýat jemgyýetine ýüzlenip, üýtgeşmelere garşylyk bildirmäge çagyryş edipdiler. MHM Bitarap Türkmenistan köçesindäki binalaryň köpüsinde gije-gündiz nobata durupdy” diýip, çeşmämiz belledi.
Azatlyk bu ýagdaýlar barada sebitiň MHM-den resmi teswir alyp bilmedi.
Türkmen häkimiýetleri garaşsyz neşirlere maglumat syzdyrýan, Internetde ýurt barada tankydy maglumatlary çap edýän, şeýle-de özara söhbetdeşlikde ýa-da köpçülik ýerlerinde hökümet we prezident barada kemsidiji sözleri aýdýan, ýa-da özge pikirli adamlara garşy göreşini wagtal-wagtal güýçlendirýär.
Şeýle çäreler soňky gezek şu ýylyň bahar-tomus aýlarynda ýygjamlaşypdy. Şonda häkimiýetler raýatlara gözegçiligini yzygiderli güýçlendirip, özleri tarapyndan “ygtybarsyz raýat” hasaplanýan adamlary gözlediler.
Häkimiýetleriň bu çäreleri türkmen halkynyň Internetde we özara duşuşyklarda açyk pikir alyşmalarynyň has işjeňleşýändigi baradaky maglumatlaryň ýygjamlaşan wagtyna gabat geldi.
Düýbi Parižde ýerleşýän Serhetsiz reportýorlar guramasynyň metbugat azatlygynyň dünýädäki ýagdaýy boýunça 2024-nji ýylyň 3-nji maýynda çap eden hasabatynda Türkmenistan bu ugurda 180 ýurduň arasynda 175-nji boldy.
Gadyrly okyjy, siz Telegram we WhatsApp tilsimleriniň messenjerleri arkaly Azatlyk Radiosy bilen howpsuz ýagdaýda habarlaşyp bilersiňiz. Telefon belgileri: +420 724 168 989 we +420 773 797 383.
Türkmenistanda VPN ulgamlary arkaly işleýär. Siz şu meýl: azathabar@derweze.net we sep arkaly biziň mugt Psiphon3 VPNulgamymyzy Android ulgamlary üçin ýükläp bilersiňiz. Azatlyk Radiosy siziň şahsyýetiňiziň doly gizlinligini kepillendirýär.