Belli türk aşpeziniň Aşgabatda açan garbanyşhanasy sosial ulgamlarda giňden paýlaşyldy
Geçen hepdäniň ahyrynda belli türk aşpezi Burak Özdemiriň Aşgabatda açan garbanyşhanasy türkmenleriň arasynda möhüm waka öwrüldi. Ýurduň dolandyryjy maşgalasyna ýakyn adamlaryň hemaýatynda açylýandygy habar berlen bu desganyň gurply adamlaryň gelim-gidimli ýerine öwrülmegine garaşylýar.
Azatlyk Radiosy bir ýyl çemesi mundan ozal garaşsyz turkmen.news neşirine salgylanyp, Berdimuhamedowlar maşgalasyna ýakyn adamlardan hasaplanýan türkmenistanly bir iri iş adamsynyň dünýäde “CZN Burak” hökmünde at alan türk aşpeziniň Aşgabatda restoran açmagyna ýardam berýändigini habar berdi.
Şol restoran 8-nji dekabrda Aşgabadyň “Arkaç” söwda we dynç alyş merkezinde Burak Özdemiriň hut özüniň gatnaşmagynda uly dabara bilen açylyp ulanylmaga berildi.
Sosial torlarda, şol sanda Instagram, TikTok we beýleki ulgamlarda giňden paýlaşylan wideolarda türkmenleriň milli lybaslaryny – ak silkme telpek, ýaşyl milli köýnek we bilinde gyzyl guşak – geýnip toý bagyny kesýän Burak Özdemir görkezilýär.
Söwda we dynç alyş merkezine ýygnanyşan esasan ýaşlardan ybarat jemende smartfonlar bilen türkiýeli Internet ýyldyzyny surata düşürmäge çalyşýar.
Şowhunly dabaranyň ähli kaşaňlygy bilen dowam edýän pursatlarynda, smartfon kameralarynyň obýektiwlerine ilen kadrlarda, türk ýyldyzy pespäl geýnüwli bir türkmenistanlyny aýratyn sylaglaýar.
Ol bolsa, wideolardan görnüşi ýaly, Internet ýyldyzynyň sowgatlaryny kabul edip, “bu tagamlardan datmak bize-de nesip edermikä” diýýär.
Bu sahna türkmen jemgyýetini ýakyndan yzarlaýan synçylarda jemgyýetiň içki dinamikalarynyň gurluşyndan habar berýän bir kiçijik detal hökmünde ýatda galdy.
Synçylara görä, baý ýurduň, baý paýtagtynda baý adamlara hyzmat etjek restoran ilatyň üpjünçiligi pes gatlagynda türkmen giňişligine mahsus adatdaky bir çäre boldy.
Türkmenistan açylyş dabaralaryna baý ýurt, şonuň üçin meşhur türk naharhanasynyň açylyş dabarasy hem şeýle çäreleriň biri boldy. Ýöne ykdysady kynçylyklardan ejir çekýän adaty halkyň gündelik ýüzbe-ýüz bolýan kynçylyklary bilen türkmen paýtagtynda sahnalaşdyrylan nobatdaky kaşaňlygyň arasyndaky kontrast, gapma-garşylyk synçylary geň galdyrmady.
Dabaradan düşürilen wideolardan mälim bolşuna görä, türk aşpeziniň Aşgabatdaky naharhanasynyň içinde oturdylan heýkeli hem heýkellere baý ýurduň syýasy kartinasy bilen kybapdaşlygy saklaýardy.
“Açylyşdan öň gurply gatlagyň wekilleri CZN Buragy surata düşürip, garbanyşhanada ilkinjileriň hatarynda naharlanmak üçin diňe nobata ýazylmaga 5 müň manat pul töläpdirler” diýip, Azatlyk Radiosynyň çeşmeleri aýdýar.
“Çagalaryny Burak bilen surata düşürmek üçin, paýtagtyň barlykly maşgalalary müňläp pul teklip edýärler. Köçe doly aç, çagalaryň garynlaryny doýursalar sogap bolardy” diýip, beýleki bir paýtagtly ýaşaýjy aýdýar.
Mundan ozal, 2023-nji ýylyň noýabr aýynda turkmen.news neşiri meşhur restoranlar torunyň türkmen paýtagtynda açylmagyna garaşylýandygyny we bu biznese Türkmenistanyň dolandyryjy maşgalasyna ýakyn adamlar tarapyndan hemaýat edilýändigini habar berdi.
Türkiýede we dünýäde restoranlar toruna eýe bolan Burak Özdemir kameralara ýylgyryp seredip bişirýän naharlary bilen Internetde meşhurlyk gazanypdy.
Media maglumatlaryna görä, häzirki wagtda “Hataý medeniýetler saçagy” restoranlar zynjyryna eýeçilik edýän aşpeziň Dubaýda, Duşenbede, Dohada, Aşgabatda, Ammanda, Bagdadda we Britaniýanyň Bradford hem-de Mançester şäherlerinde garbanyşhanalary bar.
Arap neşirlerine görä, Özdemir geçen ýyl öz restoranynyň adynyň hukuklaryny 41 million dollara özünden habarsyz başga bir işewür adama satan kakasyny kazyýete şikaýat edipdir.
Aşgabatda soňky ýyllarda daşary ýurt markalary has köp göze ilip başlady, paýtagtyň iri söwda we dynç alyş merkezlerinde käbir dünýä meşhur dokma önümleri kompaniýalarynyň ýerli şahamaçalary hem açylyp başlandy.
Galyberse-de, Internet ulgamynyň türkmen segmenti geçen hepdelerde Aşgabatdaky “Dante” restoranynda geçirilen “italýan aşhanasy hepdeligi” bilen başagaý boldy.
Gadyrly okyjy, siz Telegram we WhatsApp tilsimleriniň messenjerleri arkaly Azatlyk Radiosy bilen howpsuz ýagdaýda habarlaşyp bilersiňiz. Telefon belgileri: +420 724 168 989 we +420 773 797 383.
Türkmenistanda VPN ulgamlary arkaly işleýär. Siz şu meýl: azathabar@derweze.net we sep arkaly biziň mugt Psiphon3 VPN ulgamymyzy Android ulgamlary üçin ýükläp bilersiňiz. Azatlyk Radiosy siziň şahsyýetiňiziň doly gizlinligini kepillendirýär.
Azatlyk Radiosy bir ýyl çemesi mundan ozal garaşsyz turkmen.news neşirine salgylanyp, Berdimuhamedowlar maşgalasyna ýakyn adamlardan hasaplanýan türkmenistanly bir iri iş adamsynyň dünýäde “CZN Burak” hökmünde at alan türk aşpeziniň Aşgabatda restoran açmagyna ýardam berýändigini habar berdi.
Şol restoran 8-nji dekabrda Aşgabadyň “Arkaç” söwda we dynç alyş merkezinde Burak Özdemiriň hut özüniň gatnaşmagynda uly dabara bilen açylyp ulanylmaga berildi.
Sosial torlarda, şol sanda Instagram, TikTok we beýleki ulgamlarda giňden paýlaşylan wideolarda türkmenleriň milli lybaslaryny – ak silkme telpek, ýaşyl milli köýnek we bilinde gyzyl guşak – geýnip toý bagyny kesýän Burak Özdemir görkezilýär.
Söwda we dynç alyş merkezine ýygnanyşan esasan ýaşlardan ybarat jemende smartfonlar bilen türkiýeli Internet ýyldyzyny surata düşürmäge çalyşýar.
Şowhunly dabaranyň ähli kaşaňlygy bilen dowam edýän pursatlarynda, smartfon kameralarynyň obýektiwlerine ilen kadrlarda, türk ýyldyzy pespäl geýnüwli bir türkmenistanlyny aýratyn sylaglaýar.
Ol bolsa, wideolardan görnüşi ýaly, Internet ýyldyzynyň sowgatlaryny kabul edip, “bu tagamlardan datmak bize-de nesip edermikä” diýýär.
Bu sahna türkmen jemgyýetini ýakyndan yzarlaýan synçylarda jemgyýetiň içki dinamikalarynyň gurluşyndan habar berýän bir kiçijik detal hökmünde ýatda galdy.
Synçylara görä, baý ýurduň, baý paýtagtynda baý adamlara hyzmat etjek restoran ilatyň üpjünçiligi pes gatlagynda türkmen giňişligine mahsus adatdaky bir çäre boldy.
Türkmenistan açylyş dabaralaryna baý ýurt, şonuň üçin meşhur türk naharhanasynyň açylyş dabarasy hem şeýle çäreleriň biri boldy. Ýöne ykdysady kynçylyklardan ejir çekýän adaty halkyň gündelik ýüzbe-ýüz bolýan kynçylyklary bilen türkmen paýtagtynda sahnalaşdyrylan nobatdaky kaşaňlygyň arasyndaky kontrast, gapma-garşylyk synçylary geň galdyrmady.
Dabaradan düşürilen wideolardan mälim bolşuna görä, türk aşpeziniň Aşgabatdaky naharhanasynyň içinde oturdylan heýkeli hem heýkellere baý ýurduň syýasy kartinasy bilen kybapdaşlygy saklaýardy.
“Açylyşdan öň gurply gatlagyň wekilleri CZN Buragy surata düşürip, garbanyşhanada ilkinjileriň hatarynda naharlanmak üçin diňe nobata ýazylmaga 5 müň manat pul töläpdirler” diýip, Azatlyk Radiosynyň çeşmeleri aýdýar.
“Çagalaryny Burak bilen surata düşürmek üçin, paýtagtyň barlykly maşgalalary müňläp pul teklip edýärler. Köçe doly aç, çagalaryň garynlaryny doýursalar sogap bolardy” diýip, beýleki bir paýtagtly ýaşaýjy aýdýar.
Mundan ozal, 2023-nji ýylyň noýabr aýynda turkmen.news neşiri meşhur restoranlar torunyň türkmen paýtagtynda açylmagyna garaşylýandygyny we bu biznese Türkmenistanyň dolandyryjy maşgalasyna ýakyn adamlar tarapyndan hemaýat edilýändigini habar berdi.
Türkiýede we dünýäde restoranlar toruna eýe bolan Burak Özdemir kameralara ýylgyryp seredip bişirýän naharlary bilen Internetde meşhurlyk gazanypdy.
Media maglumatlaryna görä, häzirki wagtda “Hataý medeniýetler saçagy” restoranlar zynjyryna eýeçilik edýän aşpeziň Dubaýda, Duşenbede, Dohada, Aşgabatda, Ammanda, Bagdadda we Britaniýanyň Bradford hem-de Mançester şäherlerinde garbanyşhanalary bar.
Arap neşirlerine görä, Özdemir geçen ýyl öz restoranynyň adynyň hukuklaryny 41 million dollara özünden habarsyz başga bir işewür adama satan kakasyny kazyýete şikaýat edipdir.
Aşgabatda soňky ýyllarda daşary ýurt markalary has köp göze ilip başlady, paýtagtyň iri söwda we dynç alyş merkezlerinde käbir dünýä meşhur dokma önümleri kompaniýalarynyň ýerli şahamaçalary hem açylyp başlandy.
Galyberse-de, Internet ulgamynyň türkmen segmenti geçen hepdelerde Aşgabatdaky “Dante” restoranynda geçirilen “italýan aşhanasy hepdeligi” bilen başagaý boldy.
Gadyrly okyjy, siz Telegram we WhatsApp tilsimleriniň messenjerleri arkaly Azatlyk Radiosy bilen howpsuz ýagdaýda habarlaşyp bilersiňiz. Telefon belgileri: +420 724 168 989 we +420 773 797 383.
Türkmenistanda VPN ulgamlary arkaly işleýär. Siz şu meýl: azathabar@derweze.net we sep arkaly biziň mugt Psiphon3 VPN ulgamymyzy Android ulgamlary üçin ýükläp bilersiňiz. Azatlyk Radiosy siziň şahsyýetiňiziň doly gizlinligini kepillendirýär.