Яшел Үзәндә Шәһәр көнендә туган беренче баланы котладылар
Бүген Яшел Үзән бала тудыру йортында 5 сәгать 55 минутта Эвелина Баранованың кызы туды. Ул Яшел Үзәннең Шәһәр көнендә һәм Республика көнендә туган беренче бала булды. Бу хакта «Яшел Үзән» сайтында хәбәр ителә.
Сабый гаиләдә өченче бала. Аның авырлыгы - 3 кг 170 грамм, буе 47 см.
«Авангард» паркындагы шәһәр бәйрәмендә бәхетле ата-аналарны Яшел Үзән мэры Михаил Афанасьев котлады. Ул яңа туган баланың дәү әнисенә коляска тапшырды.
Барлыгы балалар тудыру йортында 2024 елның 8 аенда 417 сабый туган: 226 малай һәм 191 кыз.