Россия Герое Сафиуллин Республика көнендә яшь гражданнарга паспортлар тапшырды
Республика һәм Казан шәһәре көнен бәйрәм итүнең төп сәхнәсендә, «Казан» гаилә үзәге янында, Россиянең яшь гражданнарына паспортлар тапшырылды. 14 яше тулган Казанның 12 кешесе төп документны Россия Герое майор Айнур Сафиуллин кулыннан алды.
«Бүген Россиянең яшь гражданнарына паспорт бирәчәкмен – минем өчен бу зур дәрәҗә», — дип уртаклашты ул тантана алдыннан.
Паспортлардан тыш, балаларга Россия Федерациясе һәм Татарстан Республикасы Конституцияләре бүләк ителде.