Кама Тамагында яшәүчеләр махсус хәрби операция өчен гуманитар ярдәм җыйды

Кама Тамагы районының Кече Карамалы авыл клубы мөдире Лилия Гыйльмуллина Уразлы авыл җирлеге волонтерлар командасын җитәкли. Бу хакта «Татар-информ» хәбәрчесе Эльза Кузнецова яза.

«Авыл халкы гуманитар ярдәмне клубта җыя, шуңа күрә без клуб хезмәткәре Фәния Таҗетдинова белән икәү әлеге акцияләрне оештыручы булдык», — дип сөйләде ул.

«Өченче тапкыр зур ярдәм партиясе җыюыбыз, – дип дәвам итте Лилия Гыйльмуллина. – Авыл башлыгы бер фирмага чыкты, алар яшелчәләр җыя һәм коры ашлар өчен мичтә эшкәртә, аннары брикетлар махсус операция зонасына җибәрелә. Безнең авыл халкы 12 капчык яшелчә — бәрәңге, чөгендер, кишер, суган, ташкабак җыйды. Боларның барысын да шул компаниягә җибәрәчәкбез». Моннан тыш, авылда яшәүчеләр кайнатмалар, кышка тозланган ризыклар, чәй, ярма, бал һәм башка тәм-томнар алып килгән.

«Боларның барысын да Затонга илтәчәкбез. Анда махсус операция хәрбиләре өчен шәхси посылкалар формалаштыралар. Егетләргә өйдә әзерләнгән тәм-томнар ошар дип өметләнәбез. Хәрбиләребезгә ничек булса да ярдәм иткән чакта күңел шатлана», - диде активистка.

«Язын хәрбиләргә өй токмачы әзерләгән идек. Һәркемгә эш табылды. Егетләргә ярдәм итүләренә үзләре дә шат иделәр», — дип сөйләде Лилия Гыйльмуллина. Авылда яшәүче битараф булмаган берничә кеше акчалата да ярдәм иткән, шуңа күрә волонтерларга әле хәрбиләргә җибәрер өчен кирәкле бөтен әйберне сатып алырга кирәк була.

• 2 сентябрьдән Татарстанда РФ Саклану министрлыгы белән контракт төзүчеләргә 2 миллион сумга кадәр акча түләнә. Түләүнең күләме арту республикада хәрби хезмәткәрләргә түләүләр арттырылу белән бәйле.
• РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин. Материал Ольга Шәмсетдинова катнашында әзерләнде.