Сәяхәтче Оскар Конюхов экспедиция яхтасы капитанына чәкчәк бүләк иткән

Атаклы Федор Конюховның улы, сәяхәтче Оскар Конюхов Australis экспедиция яхтасы капитанына – Австралия кешесе Бенга Татарстанда әзерләнгән чәкчәк бүләк иткән. Татарстаннан һавада очучы Андрей Ермолаев шуңа игътибар юнәлткән.

Оскар Конюхов Telegram-каналында билгеләп үткәнчә, сәяхәтчеләргә чәкчәкне Аргентинаның Ушуая шәһәрендә яшәүче ватандашлар тапшырган. Бен шунда ук бүләк ителгән тәм-томны татып караган.

Федор Конюхов Көньяк океан буйлап Горн борыныннан Австралиягә кадәр «АКРОС» ишкәкле көймәсендә 200 көн эчендә 18 мең километр юл үтәргә ниятли. Оскар Конюхов – экспедиция штабының җитәкчесе.

Хәзерге вакытта көймәне Дрейк бугазына илтергә әзерлиләр, Australis экспедиция яхтасы шуның белән шөгыльләнәчәк. 2019 елда яхта «АКРОС» ишкәкле көймәсендә Яңа Зеландиянең Данидин портыннан кузгалып киткән өлкән Конюховны каршы алган иде. Ул чагында сәяхәтче Горн борынына кадәр 18 мең километрны 153 көн эчендә үтте.

t.me/gmbaero видеосы