Казанда узган БРИКС саммиты XI сыйныф өчен тарих дәреслегенә кертеләчәк

Казанда узган БРИКС саммиты чаралары XI сыйныф өчен тарих дәреслегенә кертеләчәк. РФ Президентының Гуманитар өлкәдә дәүләт сәясәте идарәсе референты Владислав Кононов КФУда төбәк тарихы дәреслекләрен әзерләү буенча төбәкара конференциянең пленар утырышында шулай дип белдерде.

«Без хәзерге вакытта XI сыйныф өчен тарих дәреслеге буенча төзәтмәләр әзерлибез. Һичшиксез, быел Казанда узган БРИКС саммиты да Россия тарихы буенча гамәлдәге дәреслеккә кертеләчәк. Бу төбәк, хәтта Россия генә түгел, ә дөнья тарихы дәрәҗәсендәге вакыйга.», - диде Кононов.

Ул билгеләп үткәнчә, мәктәпләрдә әлеге фәнне өйрәнү кысаларында «төбәк тарихы һәм зур тарих үзара аерылмаслык булып һәм тыгыз бәйләнергә тиеш». «Аларны үзара чагыштырырга кирәк. Өстәвенә, бер-берсенә каршы килмәүләре шарт», - дип белдерде РФ Президентының Гуманитар өлкәдә дәүләт сәясәте идарәсе референты.

Уналтынчы БРИКС саммиты Казанда 22-24 октябрьдә узды. Анда 35 дәүләтнең делегацияләре катнашты, шул исәптән 24 делегация иң югары дәрәҗәдә тәкъдим ителде.

Саммит барышында 13 дәүләт (Төркия, Казахстан, Үзбәкстан, Алжир, Беларусь, Боливия, Куба, Индонезия, Малайзия, Нигерия, Таиланд, Уганда, Вьетнам) БРИКСның партнер иле статусын алды. БРИКС-2024 саммитының Казан декларациясе форумның төп документы булды.