Xalq banki binosini qurgan ishchilar 9 oydan beri maosh ololmayapti
Sirdaryo viloyatining Xovos shaharchasida Xalq banki filiali binosini qurgan o‘nlab ishchilar aprel oyidan buyon maosh olmagani haqida Ozodlikka shikoyat qildi. Ishchilarning aytishlaricha, firma rahbari ulardan qochib yuribdi, telefon qo‘ng‘iroqlariga esa javob bermayapti. Quruvchi firma rahbari Ozodlik bilan suhbatda ishchilarga maosh berilmaganini tan oldi va bu muammo dekabr oyida hal bo‘lishiga va’da berdi.