Պետք է առերեսվենք ճշմարտությանը և ընդունենք, որ Ռուսաստանն ավելի արդյունավետ է իր ռшզմական ջանքերում. Ուկրաինայի ԱԳ նախարար
Ուկրաինայի արտաքին գործերի նախարար Դմիտրի Կուլեբան ասել է, որ պետք է ընդունել, որ Ռուսաստանն ավելի արդյունավետ է իր ռազմական ջանքերում։
Foreign Policy-ին տված հարցազրույցում Կուլեբան ասել է, որ պատերազմական պայմաններում կարևոր է ոչ միայն տրամադրվող օգնության քանակն ու որակը, այլև տրամադրման ժամկետը։
«Ուկրաինացի զինվորները զինամթերքի բացակայության պատճառով «հրետանային քաղց» են զգում: Նրանք ռմբակոծվում են, դիրքերը ոչնչացվում են: Եվ, ցավոք, պետք է խոստովանեմ, որ Ուկրաինայի դաշնակիցները հետ են մնում ժամանակացույցից՝ չնայած առավելագույն ջանքեր գործադրելուն։ Նրանցից ոմանք մեծ ջանք գործադրեցին։ Բայց երբ ես նայում եմ, թե ինչի է հասել Ռուսաստանը՝ վերականգնելով իր պաշտպանական արդյունաբերական բազան, և ինչի են հասել Արևմուտքի մնացած երկրները մինչ այժմ, մենք պետք է առերեսվենք ճշմարտությանը և ընդունենք, որ Ռուսաստանն ավելի արդյունավետ է իր ռազմական ջանքերում»,- նշել է նա: