World News in Kyrgyz

Орусияда мектепке кирүү үчүн орус тили боюнча экзамен тапшырууга чет өлкөлүк балдардын 19% гана уруксат алды. Калгандары документтери толук эмес же ката кетирилген, мектептерде бош орун жок деген себеп менен тестирлөөгө киргизилбейт. Бул тууралуу РБК Орусиянын билим берүү жана илим тармактарын көзөмөлдөгөн Федералдык кызматка (“Рособнадзор”) шилтеме кылып кабарлады. Маалыматка караганда, бардыгы болуп 1,8 миң чет өлкөлүк баладан арыз түшкөн, бирок экзаменди 335 жеткинчек гана тапшыра алат. Бардык тесттердин жыйынтыгы азырынча чыга элек. Читать дальше...

“Бийликти күч менен басып алуу” беренеси менен камалган ишкер Имамидин Ташовдун ишине байланыштуу Казакстандын жараны кармалганы белгилүү болду. 31 жаштагы Тараздын тургунунун жакындары ал Ташов менен камактагы активист Тилекмат Куреновдун "каржылык тапшырмаларын аткарып, бийликти басып алуу аракетине көмөктөшкөн" деп айыпталып жатканын айтышты.

Июндан тарта Өзбекстандын жарандары Кытайга визасыз бара алат. Өзбекстандын Тышкы иштер министрлиги билдиргендей, эки мамлекет ортосундагы виза режимин алып салуу келишими быйыл 1-июнда күчүнө кирмекчи. Макулдашууда өзбек жана кытай жарандары кирип-чыгуу жана транзит визаларынан бошотулат, бирок ар бир жолу өлкөдө 30 күндөн ашык жүрө албайт, 180 күн ичинде 90 күндөн көп калууга болбойт деген эреже каралган. Былтыр жыл этегинде Кытайдын жана Өзбекстандын башкы дипломаттары эки мамлекеттин жарандарына... Читать дальше...

АКШнын президенти Дональд Трамп Перс булуңундагы үч мамлекетке сапарын Сауд Арабиясынан баштады. Эр-Риядда ал падышалыктын мураскер ханзаадасы Мухаммед бин Салман менен жолугушту. Трамп Саудия - АКШ инвестиция форумунан кийин шаршемби күнү Катарга, бейшембиде Бириккен Араб Эмиратына бармакчы. Сауд Арабиянын инвестиция министри Халид ал-Фалих форумду ачып жатып, энергетика эки тараптуу мамилелердин негизи бөлүгү болуп кала бергени менен падышалыктагы инвестициялар жана бизнес мүмкүнчүлүктөрү эселеп көбөйгөнүн айтты. Читать дальше...

“Бийликти күч менен басып алуу” беренеси менен камалган ишкер Имамидин Ташовдун ишине байланыштуу Казакстандын жараны кармалганы белгилүү болду.

Сузак районунда 13-майда “Жалал-Абад” эл аралык аэропортунун курулушу башталды. Курулушка капсула салуу аземине президент Садыр Жапаров да катышты. Жаңы салына турган имарат эки кабат болуп, аянты 10 миң чарчы метрди түзөт. Аэропорт саатына 350 жүргүнчүнү өткөрүүгө ылайыкташат. Аба майдандын учуу-конуу тилкеси 3800 метр болуп, эки рулеждик жол жана алты учак токтотуучу жай курулат. Бул аэропорт 4E категориясында салынып, Boeing 737, Airbus A320 жана A321 сыяктуу чоң учактарды кабыл ала алат. “Өлкөдө 2021-жылдан бери жүргүнчүлөрдүн агымы 46%... Читать дальше...

Кыргызстан менен Өзбекстандын 60 жаштан жогору курактагы жарандарынын арасында “Достук 60+” аттуу футзал боюнча эл аралык мелдеш өтүүдө. Мелдеш бул ирет Өзбекстандын Кокон шаарында уюштурулганын кыргызстандык «Ынтымак Эл» командасынын капитаны Камалбек Раимжанов маалымдады. “Чек аралардын ачылганы жакшы болуп, эл достугун, ынтымагын ушинтип спорт менен да бекемдеп жатабыз. Бул эл аралык турнирге Кыргызстандын футзал федерациясы менен жергиликтүү бийликтери да колдоо көрсөтө турган болууда”, - деди Раимжанов. Читать дальше...

Экономика жана коммерция министрлиги Кыргызстанда "цемент тартыштыгы байкалып жатканын" ырастады. Министрликтин басма сөз кызматынын 13-майдагы маалыматына караганда, Монополияны жөнгө салуу кызматы цементтин баасына байкоо жүргүзгөн. Анда өндүрүлгөн цементтин негизги бөлүгү ири кардарларга, анын ичинде Мамлекеттик ипотекалык компанияга жөнөтүлүп жатканы, мындай жагдай базарда цементтин жетишсиздигине жана анын баасынын жогорулашына алып келип жатканы айтылат. Мониторингдин жыйынтыгында айрым цемент... Читать дальше...

Кыргызстандын Пакистандагы элчиси Авазбек Атаханов кызматтан бошотулду. Бул тууралуу жарлыкка президент Садыр Жапаров кол койгону 13-майда белгилүү болду. Атаханов бул кызматка былтыр 5-сентябрда дайындалган. Ага чейин 2023-жылы августтан тарта тышкы иштер министринин биринчи орун басары болуп иштеген. Пакистанда ага чейин элчи болуп иштеген Уланбек Тотуяевдин былтыр 27-июнда кызматтан алынышы талкууга түшкөн. Анда элчи “жүктөлгөн милдеттерин талаптагыдай аткарбагандыгы үчүн” кызмат ордунан бошотулганы белгиленген. Читать дальше...

Кыргызгидромет борбору билдиргендей 14-майга караган түнү Нарын облусунун айрым жерлеринде өткүн өтүп, күн күркүрөйт, бийик тоолуу райондордо кар жаайт. Калган аймактарда жаан-чачын күтүлбөйт. Күндүз Нарын облусунун көпчүлүк аймактарында, Ысык-Көл облусунун айрым жерлеринде, Чүй, Ош, Жалал-Абад облустарынын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Чүй, Ош, Жалал-Абад облустарынын дыйканчылык аймактарында жана Талас, Баткен облустарында жаан-чачын жаабайт. Читать дальше...