Straume: Meld kontroll på brann
Det brenn i same område på Straume som i går.
– Meld kontroll på brann. Driv ettersløkking, skriv 110 Vest.
Brannvesenet melde tidlegare om ein brannfront på 75 til 100 meter.
– Me kan ikkje svare på om dette er ein ny brann eller om det har blussa opp no, men det er i same område, seier vaktsjef ved 110 Vest, Dan Inge Gjesdal.
– Der det brenn no var der dei klarte å stogge brannen i går, men eg kan ikkje seie noko om årsak, seier han.
Brannvesen rykka frå Fana, Laksevåg og Ågotnes stasjonar.
Politiet oppmodar folk om å halde seg vekke frå området.