КФУда «Әдәби суд» утырышында «Интеллектуаллар эше» тикшереләчәк

17 майда 10.10 сәгатьтә КФУның Филология һәм мәдәниятара багланышлар институтында «Әллүки» иҗат берләшмәсендә (271нче бүлмә) «Әдәби суд» утырышында «Интеллектуаллар эше» тикшереләчәк.

Гаепләнүчеләр: Ильяс Хаҗиев «Чәнечкеле таҗым», «Оча торган кеше», «Бакчачылар», «Йөрәк чәчәге» парчалар шәлкеме, Гөлназ Әхмәдиева «Тукталыш» хикәясе, Айзилә Абдрахманова «Нихәл, әнкәй...» хикәясе, Ихтыяр Кыямов. «Сыерчык оясы» хикәясе. Казый - халык язучысы Рабит Батулла, гаепләүче – Лилия Гыйбадуллина, яклаучы – Ландыш Әбүдарова, шаһитләр: Галимҗан Гыйльманов, Халисә Ширмән. Керү ирекле», - дип хәбәр итте «Татар-информ»га «Әдәби суд» оештыручылары.

• Оештыручылар: Татмедиа АҖ, «Казан утлары» журналы, Татарстан китап нәшрияты, Татарстан Язучылар берлеге, КФУның Габдулла Тукай исемендәге Милли мәдәният һәм мәгариф югары мәктәбе.