Татарстан синхрончылары Россия җыелма командасында БРИКС Уеннарында 4 алтын медаль алды

Татарстанның Олимпия резервындагы училищесының «Покровская мәктәбе» тәрбияләнүчеләре Россия җыелма командасы составында БРИКС илләренең спорт уеннарында 4 «алтын» отты.

Агния Тулупова өч бүләк (акробатика, техник һәм ирекле төркем) белән турнирны тәмамлады, Александра Кленина ирекле төркемдә «алтын» яулады. Россия синхрон йөзү командасы барлыгы 10 алтын медаль алды. Россиянең атказанган тренеры, Татарстан Иҗтимагый палатасы әгъзасы Ольга Павлова Россия җыелма командасы программаларының катлаулылыгы югары дәрәҗәдә булуын билгеләп үтте.

«Татарстан Рәисе Рөстәм Миңнехановка Татарстанда һәм Россиядә дә Татьяна Покровская мәктәпләрендә синхрон йөзү кадрларын әзерләүдә ярдәм иткәне өчен рәхмәт белдерәм. Бу мәктәп укучылары, Татарстанның «Динамо» физик культура һәм спорт оешмасы вәкилләре, Агния Тулупова һәм Александра Кленина Россия җыелма командасы составында бик яхшы чыгыш ясады. Сүз уңаеннан, Агния Тулупова бүген диплом эшен уңышлы яклады һәм Татарстанның Олимпия резервындагы училищесының «Покровская мәктәбе»н тәмамлады», - дип белдерде Ольга Павлова «Татар-информ» журналистына.

Шулай ук ул билгеләп үткәнчә, Россия синхрончылары бу турнирда балларның иң яхшы суммасын һәм сезонның иң яхшы нәтиҗәләрен күрсәтте.

«Россия җыелма командасының баш тренеры Татьяна Покровскаяны, Россия яшүсмерләр җыелма командасының өлкән тренеры Наталья Мендыгалиеваны бу уңыш белән котлыйм. Һәм, әлбәттә, яшүсмерләрнең ирекле төркеме (аның составында яшүсмерләр командасы чыгыш ясады) өчен җаваплы Россия җыелма командасының тренерлар штабы әгъзасы - Марина Голядкина. Бик яхшы нәтиҗәләр. Югары дәрәҗәдәге катлаулылык. Бу балларның иң яхшы суммасы һәм сезонның иң яхшы нәтиҗәсе», - диде Ольга Павлова.