Йортка кереп һөҗүм ясаучыларга каршылык күрсәтү чикләрен киңәйтергә тәкъдим иттеләр

Дәүләт Думасы депутаты Ярослав Нилов торакларына законсыз үтеп кергәндә гражданнарның үз-үзен саклау хокукын киңәйтә торган закон проектын кертергә ниятли. Документ нигезендә, гомерен һәм милекне сакклау буенча гамәлләр мондый вазгыятьтә кирәкле үз-үзен саклау чикләрен арттыру дип саналмаячак. Бу хакта ТАСС яза.

Төзәтмәләр РФ Җинаять кодексына кертелә.

Нилов фикеренчә, торакның кагылгысызлыгы еш кына талау, урлау яки көчләү максаты белән бозыла һәм йорттагы кешеләрнең гомеренә җитди куркыныч яный ала. Мондый критик вазгыятьтә гражданнар һөҗүмчеләрнең куркынычлылык дәрәҗәсен һәм ниятләрен тиз бәяләргә мәҗбүр.

Гамәлдәге нормалар сакланганнарга үзләренең гаепсезлеген исбатлау авырлыгын йөкли, шул ук вакытта агрессорлар отышлырак хәлдә, дип саный депутат. Яңа закон суд практикасын үзгәртергә һәм үз өендә һөҗүмгә дучар булган закон бозмаучы гражданнар мәнфәгатьләрен якларга тиеш.

Нилов билгеләп үткәнчә, мондый очракларда хокук саклау органнары еш кына үзенең һәм якыннарының гомерен саклаган кешеләргә гадел булмаган гаепләү белдерә.