Հանրային մեղադրողների խնդիրը մեզ փակելու հարցը լուծելն է․ թե դա ոնց կարվի, որքանով կանցնի իրավաբանության սահմանները, կարևոր չէ․ Նարեկ Սամսոնյան
Հանրային մեղադրողների խնդիրը մեզ փակելու հարցը լուծելն է․ թե դա ոնց կարվի, որքանով կանցնի իրավաբանության սահմանները, կարևոր չէ։
Այս մասին դատարանում՝ նիստի ժամանակ հայտարարեց «Իմնեմնիմիի գործով» մեղադրյալ Նարեկ Սամսոնյանը։
Դատարանում՝ նիստի ժամանակ Նարեկ Սամսոնյանը հայտարարեց՝ այս ամբողջ պրոցեսն ու հանրային մեղադրողների նպատակը մեկն է, որպեսզի իրենք անազատության մեջ լինեն։
«Ինչպես այդ ամբողջ ընթացքում էր, հանրային մեղադրողների խնդիրը մեզ փակելու հարցը լուծելն է․ թե ոնց կստացվի դա, որքանով կանցնի իրավաբանության սահմանները, էական չէ, բայց խնդիրը դա է։ Ու դա չափազանց ակնհայտ է»,- ասաց Սամսոնյանը։
Հիշեցնենք՝ Նարեկ Սամսոնյանը և Վազգեն Սաղաթելյանը ձերբակալվել էին մարտի 22-ին և կալանավորվել էին երկու ամիս ժամկետով 83-րդ թողարկման ընթացքում Նիկոլ Փաշինյանի հանձնողական քաղաքականության վերաբերյալ սուր գնահատականներ հնչեցնելու համար:
Այժմ Նարեկ Սամսոնյանն ու Վազգեն Սաղաթելյանն ազատված են կալանքից, նրանց նկատմամբ որպես խափանման միջոց սահմանվել էր վարչական հսկողությունը։