Пезешкиян һәм Джалили Иран Президентын сайлауның икенче турында көрәшне дәвам итәчәк
Иран Ислам Республикасының Илкүләм иминлек югары советында дини лидеры вәкиле Сәид Джалили һәм Ислам Республикасы сәламәтлек саклау министрлыгының элеккеге җитәкчесе Масуд Пезешкиян Президентны сайлауда икенче турда көрәшне дәвам итәчәк. Бу хакта ТАСС хәбәр итә.
Сайлау комитетының соңгы мәгълүматларына караганда, Пезешкиян 6 млн тавыш җыйган, Джалили - 5,6 млн. Ислам Республикасында барлыгы 61 млн кеше сайлау хокукына ия. Беренче турда җиңү өчен кандидат 50 проценттан артык тавыш җыярга тиеш, югыйсә 1 атнадан беренче турда иң күп тавыш җыйган ике кандидат белән икенче тур узачак.
Иран Президентын вакытыннан алда сайлауда 14 млн тавышны санаганнан соң Сәламәтлек саклау министрлыгының элеккеге башлыгы җитәкчесе Масуд Пезешкиянның консерватор Сәид Джалилины узып китүе билгеле булды. Президент сайлавы вакытыннан алда 28 июньдә илнең башкарма хакимияте башлыгы үлеменә бәйле рәвештә узды. Президент Эбрахим Раиси 19 майда вертолет һәлакәтендә үлде.