Մենք պատրաստ ենք, բայց հասկանում ենք, որ Բելգիայի դեմ հանդիպումը հեշտ չի լինելու․ Մբապե
Ֆրանսիայի հավաքականի առաջատար Կիլիան Մբապեն Եվրոպայի 2024 թվականի առաջնության 1/8 եզրափակչի՝ Բելգիայի հավաքականի դեմ խաղի նախօրեին խոսել է առաջիկա խաղի մասին.
«Ոչ ոք չի ցանկանում տուն գնալ։ Մեզ համար դեռ վաղ է արձակուրդի մասին մտածելը։ Մենք պատրաստ ենք, բայց հասկանում ենք, որ Բելգիայի դեմ հանդիպումը հեշտ չի լինելու։
Այնուամենայնիվ, մենք հիանալի թիմ ունենք, և դա կապացուցենք խաղադաշտում»,- հարձակվողի խոսքերն է փոխանցում ՈւԵՖԱ-ի մամուլի ծառայությունը։
Երկուշաբթի՝ հուլիսի 1-ին, կկայանա Եվրոպայի առաջնության 1/8 եզրափակչի՝ Ֆրանսիայի և Բելգիայի հավաքականների հանդիպումը։