БҰҰ бас хатшысы Антониу Гутерриш Алматыға келді
БҰҰ Бас хатшысы Антониу Гутерриш Алматыға келді, - деп хабарлайды Tengrinews.kz тілшісі.
БҰҰ баспасөз қызметі мәліметінше, 3 шілдеде таңертең БҰҰ Бас хатшысы Антониу Гутерриш Алматыға ұшып келген.
Бас хатшыны Қазақстанның Сыртқы істер министрінің бірінші орынбасары Ақан Рахметуллин, Қазақстанның БҰҰ жанындағы тұрақты өкілі Қайрат Омаров және БҰҰ-ның Қазақстандағы тұрақты үйлестірушісі Микаэла Фриберг-Стори қарсы алған.
Фото БҰҰ-ның Қазақстандағы баспасөз қызметіҚР Сыртқы істер министрлігінің баспасөз қызметі БҰҰ Бас хатшысы Антониу Гутерриштің оңтүстік астанаға келгені туралы ақпаратты растады. Ол БҰҰ-ның Алматыдағы кеңсесіне барады.
Ертең, 4 шілдеде Гутерриш Шанхай ынтымақтастық ұйымының саммитіне қатысу үшін Астанаға барады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!