Գերմանիան երբեք չի համաձայնի Ուկրաինայի կապիտուլյացիային. Շոլց
Գերմանիայի կանցլեր Օլաֆ Շոլցը հայտարարել է, որ իր երկիրը երբեք չի համաձայնի Ուկրաինայի կապիտուլյացիային. ինչպես նշում է Bild թերթը, նա այս մասին ասել է Բունդեսթագում:
Ձախերի կուսակցությունից պատգամավոր Գեզին Լյոտշը հիշեցրել է, որ նախընտրական քարոզարշավի ժամանակ Օլաֆ Շոլցին ներկայացնում էին որպես «խաղաղության կանցլեր», սակայն այժմ Բեռլինը զենք է մատակարարում Կիևին և թույլ է տվել հարձակվել Ռուսաստանի տարածքի վրա։ Լյոտշը հարցրել է, թե Գերմանիան այդպիսով կխուսափի՞ հակամարտության կողմ դառնալուց։
«Այո, ես նման երաշխիք տալիս եմ, ես դրան կողմ եմ որպես կանցլեր։ Իմ տեսանկյունից, զինադադարը, որը կհանգեցնի Ուկրաինայի կապիտուլյացիայի, մի բան է, որին մենք որպես Գերմանիա երբեք չպետք է աջակցենք։ Եվ սա վերացական հարց չէ։
Պուտինի խաղաղության անհեթեթ առաջարկը դա է վկայում։ Նա հայտարարել է, որ պատրաստ է զինադադարի, եթե Ուկրաինան ճանաչի նոր շրջանների անեքսիան և ինքնակամ հրաժարվի դրանցից։ Սա ցույց է տալիս, թե որքան ցինիկ են նրանք մտածում, և նաև, որ ՌԴ նախագահի նպատակը ոչ թե իր ագրեսիվ պատերազմին վերջ տալն է, այլ միայն պատերազմը շարունակելու հայտարարություններ անելը։ Մենք դա չենք հանդուրժի»,- պատասխանել է Շոլցը։