Хезмәт министрлыгы 2025 елның 31 декабрен ял көне итү тәкъдиме белән чыгачак

Киләсе елның 31 декабре Россия Хезмәт һәм социаль яклау министрлыгы тәкъдиме белән ял һәм бәйрәм көннәрен күчерү хисабына ял көне булачак. Бу хакта РИА Новости агентлыгы ведомство башлыгы Антон Котяковка сылтама белән хәбәр итә.

«Быел, 2024 елның 31 декабре – ял көне. Киләсе елның да 31 декабре безнең тәкъдим белән, барлык даталарны күчерү хисабына, ял көне булачак. Алга карап эш итәчәкбез», - диде ул.

Хөкүмәт быелның ял көннәрен узган елның августында раслады. Әйтик, 6 һәм 7 гыйнвардагы бәйрәмнәр шимбә һәм якшәмбегә туры килгәнлектән, аларны 10 майга һәм 31 декабрьгә күчерделәр. Шуннан чыгып, быел да 31 декабрь ял көне булачак.

2020 елның декабрендә ЛДПР депутатлары Дәүләт Думасына 31 декабрьне даими ял көне итү турында закон проекты тапшырган иде. Алар Хезмәт кодексына үзгәрешләр кертергә тәкъдим итте, аның нигезендә Яңа ел каникуллары 1-6 гыйнварны һәм 31 декабрьне үз эченә ала. Шул ук вакытта, РФ Хезмәт кодексы тарафыннан билгеләнгән Яңа ел каникуллары көннәренең гомуми саны сакланыр иде. Үз чиратында, Хөкүмәт 2023 елның гыйнварында әлеге закон проектын хупламады.