«Иннопром»да Татарстанда сәнәгать паркларын үстерү турында килешү имзаланды

Россия индустриаль парклары ассоциациясе һәм Татарстан Инвестиция-венчур фондының бүлендек компаниясе булган «Унипарк» җәмгыяте Татарстанда сәнәгать паркларын бергәләп үстерү турында килеште. Хезмәттәшлек турында килешү Екатеринбургта «Иннопром» күргәзмәсендә имзалана.

Ике як та республикада сәнәгать паркларын үстерү өчен мәгълүмати хезмәттәшлекне тормышка ашырырга планлаштыра. Бу «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проектын тормышка ашыруга туры килә.

«Без Россия Индустриаль парклары ассоциациясенә керүебезгә бик шат! Уртак эш Татарстан Республикасында сәнәгать паркларын үстерү өчен яңа мөмкинлекләр ачар дип ышанам», – дип сөйләде «Унипарк» җәмгыяте директоры Марат Шакиров.

Татарстан индустриаль парклар белән эшләүдә бик тырыш һәм үз территориясендә мондый мәйданчыклар саны буенча лидерларның берсе булып тора, дип белдерде Россиянең АИП башкарма директоры Денис Журавский.

Хезмәттәшлек финанслауны җәлеп итүгә һәм республика проектларына ярдәм итәр дип көтелә.