Бердәм дәүләт имтиханын яңадан тапшыру хокукыннан 105 меңнән артык укучы файдаланган
105 меңнән артык Россия укучысы 4 һәм 5 июльдә яңа кагыйдәләр буенча бердәм дәүләт имтиханын (БДИ) яңадан тапшыру хокукыннан файдаланган. Бу хакта РИА Новостига биргән интервьюсында Рособрнадзор башлыгы Анзор Музаев хәбәр итте.
«Яңадан тапшыручылар саны түбәнрәк булыр дип уйлаган идем, ләкин гаҗәпләндем. Бу ике өстәмә көндә 105 меңнән артык кеше катнашты, бу барлык катнашырга теләк белдерүчеләрнең 94 проценты. Бу аларның аңлы рәвештә сайлавын исбатлады», - диде Музаев.
Музаев билгеләп үткәнчә, иң күбе информатика (97 процентка якын), профильле математика (95 процентка якын) һәм җәмгыять белеме (95 процентка якын) кебек фәннәр сайланган.