Автоинспекторлар Чаллы кешесенең автомобилендә 130 грамм синтетик тапкан
Чаллыда Дәүләт автоинспекциясе хезмәткәрләре наркотик матдәләр конфискацияләү буенча уңышлы операция үткәргән, дип хәбәр иттеләр республика ЮХИДИ идарәсендә.
Документлар тикшерү процессында инспекторлар 38 яшьлек ир-ат идарә иткән «Лада» автомобилен туктаткан.
Машина йөртүченең үз-үзен тотышы хокук сакчыларында шик уяткан: ир-атның борчылуы йөзенә чыккан. Бу исә транспорт чарасын җентекләп тикшерүгә сәбәп булган. Нәтиҗәдә, алдагы пассажир келәмендә рюкзак тапканнар, аның эчендә ак төстәге матдә салынган пакет булган.
Үткәрелгән экспертиза әлеге матдәнең 131 грамм авырлыктагы синтетик наркотик икәнлеген раслаган. Әлеге факт нигезендә зур күләмдәге наркотик матдәләрнең законсыз әйләнеше маддәсе буенча җинаять эше кузгатылган.