Միջազգային օլիմպիական կոմիտեն հայտարարել է օլիմպիական զինադադարի սկիզբը
Միջազգային օլիմպիական կոմիտեն (ՄՕԿ) հայտարարել է օլիմպիական զինադադարի սկիզբը։
Այս մասին ՄՕԿ-ը տեղեկացրել է X սոցիալական հարթակի իր էջում:
«Օլիմպիական խաղերը` որպես իրադարձություն, որը միավորում է աշխարհը խաղաղ մրցակցությամբ, հզոր հիշեցում կլինեն այն մասին, որ մենք բոլորս կարող ենք խաղաղ հավաքվել միասին»,- ասված է կազմակերպության հաղորդագրության մեջ:
Փարիզի Օլիմպիական խաղերը տեղի կունենան հուլիսի 26-ից մինչև օգոստոսի 11-ը։
Օլիմպիական զինադադարը մեկնարկում է Խաղերի բացումից յոթ օր առաջ և ավարտվում Խաղերի փակումից հետո յոթերորդ օրը: