Қарағанды облысында үш көлік соқтығысып, екі адам қаза болды
Қарағанды облысындағы Алматы-Екатеринбург тасжолында үш көлік соқтығысып, адамдар мерт болды, - деп хабарлайды Tengrinews.kz тілшісі.
Оқиға Қарағанды мен Балқаш арасында болып, салдарынан екі адам қаза тауып, тағы 10 адам түрлі дене жарақаттарын алып, ауруханаға жатқызылды.
Әлеуметтік желіде жантүршігерлік оқиға орнынан түсірілген видео тарады.
"Жол апаты сағат 15:00-де 928-шақырымда Шопа елді мекенінің маңында болды. Toyota Prado, Hyundai Sonata және Toyota Avensis көліктері соқтығысты" , - деп хабарлады Қарағанды облысының жол полициясы басқармасының баспасөз қызметі.
Аталған факт бойынша қылмыстық іс қозғалып, тиісті сараптамалар тағайындалды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!