Мөслимнең «Мирас» футбол командасына спорт костюмнары бүләк иттеләр

«Август-групп» җәмгыяте Мөслимнең «Мирас» футбол командасына махсус спорт костюмнары бүләк итте. Бу хакта «Мөслим-информ» сайты яза.

Тантаналы чарада район башлыгы урынбасары Азат Әхмәтҗанов та катнашты һәм Илфат Хафизов җитәкләгән футбол командасына уңышлар теләде. Бу көнне командага җылы теләкләрен районның футбол федерациясе рәисе Нияз Габдрахманов, районның имам-мөхтәсибе Илгиз хәзрәт Сөнгатуллин да җиткерде, диелә хәбәрдә.