Казан-Адлер поезды пассажиры һәлакәттән соң беренче минутлар турында сөйләде

Волгоград янында рельслардан чыккан поезд пассажиры һәлакәттән соң беренче минутлар турында сөйләде. Төркемнәрнең берсендә һәлакәт турындагы хәбәргә комментарийларда ул: «Иң мөһиме – исән», - дип язган. «Татар-информ» хәбәрчесе Дмитрий Шатров белән әңгәмәдә кыз һәлакәт нечкәлекләре белән уртаклашты.

«Без бу вагонда идек, ул башкалар кебек бик нык әйләнмәде. Һәм без «КамАЗ»га килеп бәрелдек», – дип сөйләде ул. Кыз хәбәр иткәнчә, аның вагоны алдагыларга караганда азрак зыян күргән, ләкин аннан чыгу барыбер кыен булган, ярдәмгә проводник килгән.

«Без Котельниковога килеп җитә идек, кинәт «КамАЗ» килеп чыкты һәм безнең поезд бәрелде – мондый хәлне көтмәгән идек. Без тугызынчы вагонда идек, ул яртылаш борылды. Безнең алда вагоннар тулысынча ауды. Локомотив үзе 180 градуска борылган иде. Хәзер безне Котельниководагы кинотеатрга җибәрделәр, алга таба күрсәтмәләр көтәбез. Зыян күрмәдек, ләкин куркыныч иде. Безгә пассажирлар һәм проводник вагоннан чыгарга ярдәм итте», - дип өстәде ул.