Россиядә стратегик булмаган атом-төш өйрәнүләренең өченче этабы башланды
Россия Президенты карары буенча, Россиядә стратегик булмаган атом-төш көчләре өйрәнүләренең өченче этабы башланды. Бу хакта Россиянең Саклану министрлыгы хәбәр итә.
Өйрәнүләр вакытында Россия Кораллы көчләре бүлекчәләренең стратегик булмаган атом-төш коралы куллануга бәйле мәсьәләләр эшләнәчәк.
Әлеге этапта Көньяк һәм Үзәк хәрби округларының ракета берләшмәләре «Искандер-М» оператив-тактик ракета комплекслары өчен махсус боеприпаслар алуны, ракеталарны коралландыру һәм электрон рәвештә сафка кертеп җибәрү өчен билгеләнгән позицион районнарда яшерен алып баруны үз эченә алган өйрәнү-хәрби бурычлар башкарачак. Өйрәнүнең бу этабы шулай ук стратегик булмаган атом-төш коралын куллану өчен җаваплы частьларның шәхси составын һәм техникасын хәрби бурычларны үтәүгә әзерләүгә ярдәм итүгә юнәлдерелгән.
Элегрәк, өйрәнүнең беренче һәм икенче этаплары кысаларында, Көньяк һәм Ленинград хәрби округлары частьларын, шулай ук Һава-космик көчләр һәм Хәрби-Диңгез Флоты бүлекчәләрен стратегик булмаган атом-төш коралын куллануга әзерләү мәсьәләләре каралган иде.