Ուսումը չավարտած սովորողներին  ամառային զորակոչից տարկետում կտրվի

Կառավարությունն օգոստոսի 1-ին կայացած նիստում ՀՀ-ի կամ օտարերկրյա պետության հիմնական կրթության հիմքի վրա առանց ընդհատման միջին մասնագիտական կրթական ծրագրերով սովորող՝ ՀՀ մի շարք քաղաքացիների շարքային կազմի պարտադիր զինծառայության 2024-ի ամառային զորակոչից տարկետում տալու մասին որոշում կայացրեց։

Որոշումը տարածվում է այն սովորողների վրա, ովքեր չեն ավարտել ուսումնառությունը, եւ այս որոշման արդյունքում նրանց հնարավորություն կընձեռվի ավարտել ուսումնառությունը:

Գործադիրի վերոհիշյալ որոշման մեջ նշված ՀՀ քաղաքացիներն ուսումնառությունը կավարտեն մինչև 2025 թվականի հունիսի 30-ը: