Алматы облысында екі жүк көлігі соқтығысты
![Алматы облысында екі жүк көлігі соқтығысты](https://kaz.tengrinews.kz/userdata/news_kk/2024/news_361418/thumb_b/photo_123896.jpeg)
Алматы облысында екі жүк көлігі соқтығысып, екі жүргізуші де зардап шекті, - деп хабарлайды Tengrinews.kz тілшісі.
Оқиғаның мән-жайын облыстық полиция департаментінің баспасөз қызметі хабарлады.
"1 тамыз күні сағат 17:11-де SHACMAN жүк көлігінің 59 жастағы жүргізушісі Алматы-Талғар тасжолының 12-шақырымында келе жатып, рөлге ие бола алмай, жол жиегінде тұрған "ЗИЛ" көлігімен соқтығысты", - делінген хабарламада.
Дәрігерлер 1964 және 1978 жылы туған жүргізушілерді түрлі дене жарақаттарымен қалалық ауруханаға жатқызды.
Полиция тергеуді бастап, қылмыстық іс қозғады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!