Պենտագոնի ղեկավարը չեղարկել է սեպտեմբերի 11-ի ահաբեկչության գործով երեք կասկածյալների հետ գործարքները
ԱՄՆ-ի պաշտպանության նախարար Լլոյդ Օսթինը չեղյալ է հայտարարել սեպտեմբերի 11-ի ահաբեկչությունների կազմակերպման համար մեղադրվող Խալիդ Շեյխ Մոհամմեդի և Կուբայի Գուանտանամոյի ԱՄՆ ռազմական բանտում պահվող նրա երկու հանցակիցների հետ այս շաբաթվա սկզբին կնքված հաշտության գործարքը: Ինչպես հաղորդում է «Ռոյթերս»-ը, Պենտագոնը հուլիսի 31-ին հայտարարել է, որ խոստովանության գործարքը կնքվել է, սակայն այլ մանրամասներ չի հայտնել:
ԱՄՆ պաշտոնյաներն ասում են, որ գրեթե կասկած չկա, որ խոսքը վերաբերում է մեղավոր ճանաչելու դիմաց մահապատժի կիրառումից հրաժարվելուն։
Սակայն Պենտագոնի ղեկավարը Գուանտանամոյում ռազմական դատարանի վերահսկող Սյուզան Էսկալյեին զրկել է գործի վերաբերյալ մինչդատական համաձայնագրեր կնքելու լիազորությունից:
Շատ հանրապետական օրենսդիրներ, այդ թվում՝ ԱՄՆ Ներկայացուցիչների պալատի խոսնակ Մայք Ջոնսոնը և Սենատի փոքրամասնության առաջնորդ Միթչ Մաքքոնելը խստորեն քննադատել են միջնորդության գործարքները: