Фролов: Торак-коммуналь хезмәтләр өчен иң күп бурычы булучылар - берничә фатирлы байлар

Татарстанда торак-коммуналь хезмәтләр өчен бурычлары күп җыелучылар булып бай гражданнар тора, алар берничә фатирын арендага бирә. Бу хакта Татарстан Республикасы Төзелеш, архитектура һәм торак-коммуналь хуҗалык министрының беренче урынбасары Алексей Фролов ТР Министрлар Кабинетында узган брифингта хәбәр итте.

«Зур бурычлыларны анализлаудан чыгып (300 мең сумнан башлап) шуны әйтергә була, кагыйдә буларак, бу берничә фатирлы бай гражданнар, алар торак-коммуналь хезмәтләр өчен вакытында түләми, чөнки аларны арендага бирәләр, хисап приборлары күрсәтмәләрен вакытында тапшырмыйлар яки башка шәһәрдә яшиләр», — диде Фролов.

Аз керемле гаиләләрнең, ятим балаларның зур булмаган бурычлары бар. «Һәрбер шундый гаилә мониторинглана, ярдәм күрсәтелә», - дип өстәде спикер.

2000 еллар башыннан Татарстан халкының бурычы 9,5 млрд сумга җитте. Идарәче оешмаларның бурычы берничә тапкырга кимрәк, дип ачыклык кертте министрның беренче урынбасары.