Казан – Анталья рейсына эләкмәгән пассажирларга 400 евро компенсация түләнәчәк
Казан – Анталья рейсына эләкмәгән пассажирларга авиакомпания 400 евро эквиваленты күләмендә компенсация түләячәк. Бу хакта Идел буе Транспорт прокуратурасы матбугат хезмәтендә хәбәр ителә.
Узган шимбәдә Казан аэропортында «Төрек авиалинияләренең» авиакомпаниясенең 3749 номерлы рейсы тоткарлана, дип хәбәр ителә. Тоткарлану алдагы рейс самолетының соңга калып кайтуына бәйле.
Шул сәбәпле, авиакомпания самолетны азрак урынлысына алмаштыра. Шуның аркасында, 16 пассажир бортка эләгә алмый һәм очып китә алмый кала.
Икенче көнне калган пассажирлар башка рейс белән Антальяга җибәрелә. Авиакомпания шулай ук аларга чыгымнарын компенсацияләү өчен 400 евро түләргә карар кыла.