Мордовиядә «КНК Бәлеш» дигән төбәкара җәйге мәктәп оештыралар

Мордовиянең Рухи-мәдәни үзәгендә «КНК Бәлеш» дигән төбәкара җәйге мәктәп оештыру эшләре бара. Әлеге проект 19-29 августта илнең төрле төбәкләреннән 7-15 яшьлек балаларны һәм үсмерләрне берләштерәчәк. Мәктәп «Надежда» санаторий базасында була. Бөтендөнья татар конгрессы шул турыда яза.

Педагоглар составы булдырылган, ата-аналар белән элемтәләр урнаштырылган һәм күп санлы оештыру мәсьәләләре хәл ителгән.

«КНК Бәлеш» җәйге мәктәбенең төп максаты – балаларның шәхси сыйфатларын һәм потенциалын үстерү өчен уңай шартлар тудыру, диелә хәбәрдә.