ՀԱՄԱՍ-ի քաղբյուրոյի ղեկավար է ընտրվել Իսրայելի վրա հարձակման պատասխանատուներից մեկը
Գազայի հատվածում կազմակերպության առաջնորդ Յահյա Սինվարը դարձել է պաղեստինյան իսլամիստական ՀԱՄԱՍ շարժման քաղբյուրոյի ղեկավարը։
հայտնում է Al Jazeera-ն։
Նախկինում այս պաշտոնը զբաղեցնում էր Իսմայիլ Հանիեն, ով մահացել էր Թեհրանում հուլիսի 31-ի գիշերը։ Իրանի Իսլամական հեղափոխության պահապանների կորպուսը հայտնել է, որ խմբավորման քաղբյուրոյի ղեկավարը սպանվել է «մոտ 7 կգ կշռող մարտագլխիկով կարճ հեռահարության հրթիռից»։ Իրանն ու ՀԱՄԱՍ-ը Իսրայելին մեղադրել են հարձակման համար, իսրայելական կողմը չի հաստատել իր մասնակցությունը:
Սինվարը համարվում է 2023 թվականի հոկտեմբերի 7-ին Իսրայելի վրա հարձակման կազմակերպիչներից մեկը, ըստ The Times of Israel-ի։
Նա զբաղեցրել է քաղբյուրոյի ղեկավարի պաշտոնը այն ֆոնին, երբ Իրանը պատրաստվում է հարվածել Իսրայելին՝ ի պատասխան Հանիեի սպանության։