Смирнов Путинга Курск өлкәсендәге хәл турында җиткерде
Курск өлкәсе губернаторы вазифаларын вакытлыча башкаручы Алексей Смирнов Россия Президенты Владимир Путинга төбәктәге хәл турында оператив мәгълүмат җиткерде. Бу хакта өлкә җитәкчесе Телеграм-каналында сөйләде.
«Төнлә телефоннан Югары Башкомандующийга төбәктәге хәл турында хәбәр иттем. Владимир Владимирович вазгыятьне шәхси контролендә тота», - диде Смирнов.
Дәүләт башлыгы төбәккә барлык юнәлешләр буенча да ярдәм күрсәтеләчәген белдерде, дип өстәде губернатор вазифаларын вакытлыча башкаручы һәм барысына да ярдәмнәре өчен рәхмәт белдерде.