Татарстанда Көнбатыш Нил бизгәген йоктыручылар саны 15 кешегә җиткән

Татарстан Республикасында Көнбатыш Нил бизгәге вирусын йоктыручылар саны арткан. ТАСС агентлыгы Кулланучыларның хокукларын яклау һәм кеше өлкәсендә күзәтчелек федераль хезмәтенең (Роспотребнадзор) ТР буенча идарәсенә сылтама белән 15 зыян күрүче турында хәбәр итте. Бу хакта «Российская газета» яза.

Кичә республика санитар ведомствосында биш кешенең хастаханәдә дәвалануы, калганнары сырхауханәдән чыгарылуы яки амбулатор дәвалануга җибәрелүе хакында белдерделәр.

Ведомствода авыру йоктыручыларның бизгәкнең кайдан алып кайтуына ачыклык кертте – инкубация чоры вакытында кешеләр Казанда, Лаеш, Яшел Үзән, Югары Ослан, Питрәч, Апас һәм Чирмешән районнарындагы сулыклар яки урман массивлары янында яшәгән.

«Роспотребнадзорның ТР буенча идарәсе тарафыннан барлык чыганакларда 59 гектар мәйданда сулыклар черки личинкаларына каршы эшкәртелде», – дип белдерделәр Роспотребнадзорда.

Идарәдә билгеләп үтүләренчә, Көнбатыш Нил бизгәге кешеләрдән түгел, ә черкиләрдән күчә, шуңа күрә бүлмәләрне озынборыннардан мөмкин кадәр сакларга һәм табигатьтә шәхси профилактика чараларын кулланырга кирәк.

Санитар табибларның мәгълүматлары буенча, Волгоградта Көнбатыш Нил бизгәген йоктыруның – ике, Рязань өлкәсендә – өч, Әстерхан өлкәсендә бер очрагы теркәлгән.