Хәрби хәбәрче Евгений Поддубный яраланганнан соң беренче аңлатмасын бирде

Курск өлкәсе губернаторы вазифаларын вакытлыча башкаручы Алексей Смирнов хастаханәдә дәваланучы хәрби хәбәрче Евгений Поддубныйның беренче аңлатмасын телеграм-каналына куйды. Бу турыда «Татар-информ» яза.

«Барысы да яхшы булачак. Табиблар искиткеч. Гомумән алганда, эшләрен бик әйбәт башкаралар. Минем өчен борчылганыгыз өчен рәхмәт. Мин дә һәрвакыт сезнең өчен борчылам. Без һичшиксез җиңәчәкбез. Җиңү безнең якта булачак! Барысы да яхшы», - дип язган ул телеграм-каналында.

Хәзерге вакытта хәрби хәбәрченең хәле авыр дип бәяләнә. Евгений Поддубныйның хәле тотрыклылангач, аны алга таба дәвалану өчен Мәскәүгә озаттылар, дип хәбәр итте Курск өлкәсе губернаторы вазифаларын вакытлыча башкаручы.