Դատարանն անփոփոխ է թողել Վահան Քերոբյանի խափանման միջոցը
ՀՀ էկոնոմիկայի նախկին նախարար Վահան Քերոբյանին դատարանը որդուն ուսման նպատակով ԱՄՆ ուղեկցելու թույլտվություն չի տվել:
«Հաշվի առնելով այն հանգամանքը, որ Դատարանի գնահատման սույն փուլով բացակայելու արգելք խափանման միջոցը միակ պիտանի և անհրաժեշտ միջոցն է՝ Վահան Քերոբյանի պատշաճ վարքագիծը ապահովելու համար, իսկ պաշտպանների կողմից չի ներկայացվել որևէ ծանրակշիռ փաստարկ առ այն, որ նշված խափանման միջոցը կիրառված լինելու պայմաններում անհամաչափ սահմանափակվում են մեղադրայլի իրավունքներն ու պարտականությունները, ինչպես նաև սույն թվականի օգոստոսի 17-30-ը վերջինիս ԱՄՆ մեկնելու վերաբերյալ ևս որևէ ծանրակշիռ փաստարկի և պատճառաբանություն չի ներկայացվել, դատարանը որոշում է մեղադրյալ Վահան Քերոբյանի նկատմամբ նախաքննության ընթացքում որպես խափանման միջոց կիրառված բացակայելու արգելքը թողնել անփոփոխ, իսկ պաշտպանական կողմի միջոնրությունը մերժել»,- հայտարարել է դատավորը:
Քերոբյանը դիմել էր դատարան, որպեսզի թույլտվություն ստանար և կարողանար ուղեկցել ուսման նպատակով ԱՄՆ մեկնող որդուն:
Հիշեցնենք՝ էկոնոմիկայի նախկին նախարարի նկատմամբ քրեական հետապնդում էր հարուցվել էկոնոմիկայի նախարարության կարիքների համար ծառայության ձեռքբերման մրցույթի ընթացքում առերևույթ չարաշահումների գործով:
The post Դատարանն անփոփոխ է թողել Վահան Քերոբյանի խափանման միջոցը first appeared on MediaLab Newsroom-Laboratory.