Казанда депутатлар һәм дары заводы командасы арасында хоккей матчы булды

Физкультурачылар көне алдыннан Казанда «Бердәмлек» кубогына «Дары заводы» һәм «Кандидатлар» командалары арасында иптәшләрчә хоккей матчы узды. Бу хакта «Бердәм Россия» партиясенең төбәк бүлеге матбугат хезмәте хәбәр итә.

Матч Төнге лига кагыйдәләре белән оештырылды. Командалар 20 минутлык ике период уйнады. Нәтиҗәдә 7:4 исәбе белән «Кандидатлар» командасы җиңде. Катнашучыларны 1нче һәм 2че урыннар өчен медальләр белән бүләкләделәр, ә җиңүчеләр шулай ук «Бердәмлек» кубогына ия булды.

«Кандидатлар» командасы составында Татарстан Дәүләт Советы депутатлары, «Стратегик инициативалар үзәге» ҖЧҖ директоры Дмитрий Анисимов, ТР Дәүләт Советы депутаты, «12нче шәһәр клиник хастаханәсе» ААҖ генераль директоры Рамил Әхмәтов, Дәүләт Думасы депутаты Илья Вольфсон, «Социаль реабилитация һәм адаптация үзәге» коммерцияле булмаган автономияле оешма генераль директоры, ТР Иҗтимагый палатасы әгъзасы Азат Гайнетдинов, ТР Дәүләт Советы депутаты, «Казанның Халыкара мәктәбе» коммерцияле булмаган автономияле мәгариф оешмасы директоры Нияз Гафиятуллин, «Казан дәүләт казна дары заводы» ФКП генераль директоры Александр Лившиц, «Союз-Регион» компанияләр төркеме» ҖЧҖ генераль директоры Андрей Ляпунов, «Бердәм Россия Яшь Гвардиясе» төбәк штабы җитәкчесе Руслан Шиһабетдинов уйнады.

VII чакырылыш Татарстан Дәүләт Советына депутатлыкка кандидатларга каршы Казан дары заводы хезмәткәрләре Никита Антонов, Валера Архипов, Ирек Әсхәдуллин, Максим Баганов, Егор Бестужев, Илфар Вәлиуллин, Константин Козырев, Александр Коклин, Сергей Лаврентьев уйнады.

«Хоккей, футбол яки гимнастика булуга карамастан, спорт белән яшәү рәвешен үстерергә һәм үстерүне дәвам итәргә кирәк. Бу уңай хис-кичерешләр бирә, эш көнендә яки аннан соң, кем нәрсә белән шөгыльләнүенә бәйле рәвештә, игътибарны читкә юнәлтергә һәм бераз бушанырга мөмкинлек бирә», - дип уртаклашты депутат Дмитрий Анисимов.

«Бердәм Россия Яшь Гвардиясе» төбәк бүлеге җитәкчесе Руслан Шиһабетдинов сүзләренчә, мондый чаралар берләштерә, яңа танышулар булдырырга мөмкинлек бирә. «Спорт - ул минем тормышымның аерылгысыз өлеше, чөнки спорт миңа яңа нәтиҗәләргә ирешү өчен көч һәм энергия бирә», - дип белдерде ул.

• 2024 елның 8 сентябрендә Республиканың VII чакырылыш Дәүләт Советы депутатларын сайлау, шулай ук 38 муниципаль районда җирле үзидарә органнары депутатларын өстәмә сайлау уза.
• 50 депутат партия исемлекләре буенча һәм шул ук санда бермандатлы округлар буенча сайлыйлар. Сайлауда катнашу өчен 427 кеше үз кандидатурасын күрсәтте: 179 — бердәм республика округы буенча, 248 — бер мандатлы округларда.
• Татарстан парламенты депутатларын сайлауда барлыгы алты сәяси партия катнаша. Биш партия («Бердәм Россия», КПРФ, «Гадел Россия – Патриотлар – Дөреслек өчен», ЛДПР һәм «Яңа кешеләр») бердәм округ буенча да, бермандатлы округларда да кандидатлар күрсәтте. Тагын бер партия - «Гражданнар инициативасы» - берничә бермандатлы округта үз кандидатларын тәкъдим итте. Моннан тыш, бермандатлы округларда 12 кеше үзен-үзе күрсәтте.