Татарстан буенча Социаль фонд 2025 елда арттырылган пенсия алучылар санын әйтте
Татарстан буенча Россия Социаль фондының якынча фаразлары буенча, февраль аендагы индексациядән соң төбәктә яшәүче 200 меңнән күбрәк эшләүче пенсионер арттырылган пенсия алачак. Бу хакта «Татар-информ»га биргән интервьюсында Россия Социаль фондының Татарстан буенча бүлекчәсе идарәчесе Эдуард Вафин сөйләде.
2025 елда Татарстанда 200 меңнән артык эшләүче пенсионер арттырылган пенсия алыр дип фаразлана. Бюджетта моның өчен акча каралган», – диде ул.
Эдуард Вафин сүзләренчә, киләсе елдан барлык өлкән кешеләрнең (эшләүчеләрнең дә, эшләмәүчеләрнең дә) пенсиясе артачак. Эшләүче пенсионерларның фактта түләнә торган пенсияләре түгел, ә алдагы индексацияләр гамәлдә булган очракта түләнә торган пенсияләре индексацияләнә.